ઊંઝામાં આવેલી વર્ષા ટ્રેડર્સ નામની દુકાનમાં ગેરકાયદેસર રીતે વિદેશી સિગારેટના પેકેટનું વેચાણ થતું હોવાની બાતમી ઊંઝા પોલીસને મળી હતી. જેમાં તેણે ભારત સરકાર દ્વારા નિર્ધારિત માપદંડ મુજબ નિયમોનું પાલન કર્યું ન હતું અને નિયમ મુજબ સ્ટીકર પણ લગાવ્યા ન હતા અને તે વિદેશી સિગારેટના પેકેટ વેચતો હતો. પોલીસને ખાનગી રાહે આ માહિતી મળી હતી. જેમાં ઊંઝા પોલીસે પંચોને બોલાવી વર્ષા ટ્રેડર્સની દુકાનમાં તપાસ કરતાં દુકાનમાંથી જુદી જુદી વિદેશી બનાવટની સિગારેટ મળી આવી હતી.
જેમાં ગુડાંગ ગરમ સિગારેટની 06 પેટીઓ મળી આવી હતી. જેની કિંમત રૂ.9600 તથા DJARUM BLAK’20 KRETEK CLGARETES સિગારેટના ત્રણ બોક્સ મળી આવ્યા હતા. જેની કિંમત 780 રૂપિયા છે. સિગારેટના 09 પેકેટની કુલ કિંમત 10,380 રૂપિયા છે. જેમાં ઊંઝા પોલીસે વર્ષા ટ્રેડર્સમાં ઘી સિગારેટનું વેચાણ કરતા તેજવાણી કમલેશભાઈ ભગવાનભાઈ સામે તમાકુ ઉત્પાદન અધિનિયમ 2003ની કલમ 7 અને 20 મુજબ ગુનો નોંધ્યો છે.