ઊંઝા તાલુકાના દાસજ ગામની પ્રાથમિક શાળામાં સેવાસેતુ કાર્યક્રમનું આયોજન કરવામાં આવ્યું હતું. કાર્યક્રમનું સંચાલન ઊંઝા મામલતદાર કચેરી દ્વારા કરવામાં આવ્યું હતું. સેવા સેતુ કાર્યક્રમમાં વિવિધ ગામોના અરજદારોનો સમાવેશ કરવામાં આવ્યો હતો. જેમાં ભુણાવ, મહેરવાડા, રણછોડપુરા, વંગાળા, ખટાસણા, કરલી, કરણપુર, કામલી, દાસજ, લિહોડા, ભોંખર, ગંગાપુરા, હાજીપુર, ઉપેરા, ભવાનીપુરા સહિતના તમામ ગામોનો સમાવેશ કરવામાં આવ્યો હતો. જે અરજદારો આજે સેવા સેતુ કાર્યક્રમમાં આવ્યા હતા. જેમાં આવકના દાખલા, રેશનકાર્ડમાં સુધારો, નવા રેશનકાર્ડની અરજી, આયુષ્માન કાર્ડ, આધાર કાર્ડ અને અન્ય ફોર્મ માટે સેવા સેતુ કાર્યક્રમનું આયોજન કરવામાં આવ્યું હતું.
ઉલ્લેખનીય છે કે ઊંઝા મામલતદાર કચેરી દ્વારા તાલુકા અને શહેરમાં અલગ-અલગ તારીખે સેવા સેતુ કાર્યક્રમ યોજવામાં આવ્યો હતો. અરજદારોને ઓફિસે ધક્કા ખાવા ન પડે અને ઘરે બેઠા સુવિધા મળી રહે તે હેતુથી સેવા સેતુ કાર્યક્રમ બનાવવામાં આવ્યો હતો. તમામ પ્રકારના સેમ્પલ અને આરોગ્યને લગતા કાર્ડ માટે અલગ-અલગ કર્મચારીઓ હાજર રહ્યા હતા. જેમાં પ્રાથમિક આરોગ્ય કેન્દ્ર દ્વારા આરોગ્યને લગતી સુવિધાઓ પુરી પાડવામાં આવી હતી. આવેલા અરજદારોનું બ્લડપ્રેશર ચેક કરવામાં આવ્યું હતું. ડાયાબિટીસ માટે તપાસ કરી અને આરોગ્ય સલાહ આપવામાં આવી.