કડી તાલુકાના નંદાસણ વિસ્તારમાં રિક્ષાચાલક ઘરની અંદર સુતો હતો અને તસ્કરો બહાર પાર્ક કરેલી રિક્ષાની ચોરી કરી ગયા હતા. રિક્ષાચાલક મોડે સુધી ઘરે જાગતો રહ્યો હતો પરંતુ સવારે તસ્કરો સોસાયટીમાં આવીને રિક્ષાની ચોરી કરી ગયા હતા. જ્યારે રિક્ષા ચાલક જાગી ગયો અને જોયું કે રિક્ષા દેખાતી નથી, ત્યારે તેણે સોસાયટીમાં લાગેલા સીસીટીવીમાં બે તસ્કરો રિક્ષાને સોસાયટીની બહાર લઈ જતા જોયા હતા. સમગ્ર ઘટના સંદર્ભે નંદાસણ પોલીસે સીસીટીવી ફૂટેજ પોતાના કબજામાં લઈ તસ્કરોને પકડવા કાર્યવાહી શરૂ કરી છે.શિયાળાની ઠંડી શરૂ થતાની સાથે જ કડી પંથકમાં તસ્કરીના બનાવો પ્રકાશમાં આવી રહ્યા છે. કડી તાલુકાના નંદાસણ વિસ્તારમાં આવેલ અલ-સીફા સોસાયટીમાં રહેતા અને ભાડે રીક્ષા ચલાવીને ગુજરાન ચલાવતા સાદિક સૈયદે થોડા મહિના પહેલા કુરેશી ઈમરાન પાસેથી ભાડે રીક્ષા લીધી હતી. કુરેશી ઈમરાને ચાર મહિના પહેલા નવી રીક્ષા ખરીદી હતી. ઇમરાને રિક્ષા સાદિકને ચલાવવા માટે આપી હતી. સાદિક રિક્ષા ચલાવીને પોતાનું ગુજરાન ચલાવતો હતો. સાદીકે રિક્ષા તેના ઘરની બહાર પાર્ક કરી.
કડી તાલુકાના નંદાસણ વિસ્તારમાં આવેલી અલ શિફા સોસાયટીમાં રહેતો સાદિક મોડી રાત સુધી જાગતો રહેતો હતો. જે બાદ તે સવારે સૂઈ ગયો હતો અને સવારે નોકરી પર જવા માટે બહાર આવ્યો ત્યારે તેણે રિક્ષા જોઈ ન હતી. જે બાદ તેણે રીક્ષા નંબર જીજે.1 ટીએચ.3764ની તપાસ કરતા રીક્ષા મળી આવી ન હતી. સાદીકે તરત જ રિક્ષા માલિક ઈમરાનને જાણ કરી અને ઈમરાન ઘટના સ્થળે પહોંચી ગયો. રિક્ષાની શોધખોળ કરવામાં આવી હતી, પરંતુ રિક્ષા મળી ન હતી, સોસાયટીમાં લગાવેલા સીસીટીવી ફૂટેજ ચેક કરવામાં આવ્યા હતા, વહેલી સવારે ઇસમો સોસાયટીમાં આવ્યા હતા અને રિક્ષાની ચોરી કર્યા બાદ ઇમરાને નંદાસણ પોલીસને જાણ કરી હતી. નંદાસણ પોલીસે ઘટના સ્થળે પહોંચી સીસીટીવી ફૂટેજના આધારે તસ્કરોની ધરપકડ કરવા કાર્યવાહી હાથ ધરી હતી.