મહેસાણાની સ્પેશિયલ પોક્સો કોર્ટે આજે મહત્વનો નિર્ણય આપ્યો છે. જેમાં વર્ષ 2021 દરમિયાન સગીર સાથે બળાત્કારના કેસમાં આરોપીને સજા સંભળાવવામાં આવી છે. મહેસાણા પોક્સો કોર્ટે આરોપી મેહુલ ઠાકોરને 20 વર્ષની સખત કેદ અને 10 હજારનો દંડ ફટકાર્યો છે.
5 માર્ચ 2021ના રોજ કડી પંથકમાં રહેતી 16 વર્ષની કિશોરીને આરોપી મેહુલ ઠાકોર બળાત્કાર કરવાના ઈરાદે લલચાવી હતી. બાદમાં સગીરાને કડી તાલુકાના એક ગામની સીમમાં એક રૂમમાં ગોંધી રાખી વારંવાર બળાત્કાર ગુજાર્યો હતો. ફરિયાદ નોંધાય તે પહેલા જ આરોપીએ તેની સાથે ખેતરમાં અનેકવાર બળાત્કાર ગુજાર્યો હતો. મહેસાણા સ્પેશિયલ પોક્સો કોર્ટમાં કેસની સુનાવણી દરમિયાન સરકારી વકીલ ચેલજીભાઈ ચૌધરીએ કોર્ટ સમક્ષ દલીલો રજૂ કરી હતી. આ સિવાય કોર્ટમાં તેણે 16 સાક્ષીઓને તપાસ્યા અને 21 દસ્તાવેજી પુરાવા રજૂ કર્યા. સમગ્ર કેસમાં કોર્ટે આરોપી મેહુલ ઠાકોરને 20 વર્ષની સખત કેદ અને 10 હજારનો દંડ ફટકાર્યો છે.