રાજ્યમાં નાની ઉંમરે હાર્ટ એટેકના કેસોમાં ચિંતાજનક હદે વધારો થયો છે. લોકો નાની ઉંમરે ક્રિકેટ રમતા, દુકાનમાં બેસીને કે કાર ચલાવતા મૃત્યુ પામે છે. આવો જ એક કિસ્સો નવસારીમાં બન્યો છે. નવસારી નજીકના પરતાપોરા ગામમાં આવેલી શાળામાં એક વિદ્યાર્થીનું હૃદયરોગના હુમલાથી મોત થયું હતું.
17 વર્ષીય વિદ્યાર્થી શાળામાં સીડીઓ ચઢી રહ્યો હતો, તે જ સમયે વિદ્યાર્થીને અચાનક કાર્ડિયાક અરેસ્ટ આવ્યો અને તે સીડી પરથી નીચે પડી ગયો. વિદ્યાર્થીઓ અને શિક્ષકો હોસ્પિટલ પહોંચે તે પહેલા જ વિદ્યાર્થીનું મોત થયું હતું. મૃતક તનિષા ગાંધી ધોરણ 12 સાયન્સની વિદ્યાર્થીની હતી. આ દુઃખદ ઘટનાને પગલે શાળાના વિદ્યાર્થીઓ, શિક્ષકો અને પરિવારજનોમાં શોકનું મોજુ ફરી વળ્યું છે.