TATA સેમિકન્ડક્ટર પ્રોજેક્ટ્સ: ભારતનું પોતાનું સેમિકન્ડક્ટરનું ઉત્પાદન કરવાનું સ્વપ્ન હવે સાકાર થવા જઈ રહ્યું છે. ગુરુવારે કેબિનેટની બેઠકમાં સરકારે સેમિકન્ડક્ટર મેન્યુફેક્ચરિંગના 3 પ્રોજેક્ટને મંજૂરી આપી હતી. જેમાંથી બે પ્રોજેક્ટ ટાટા ગ્રુપના છે જ્યારે એક પ્રોજેક્ટ જાપાનની કંપનીને આપવામાં આવ્યો છે. કેન્દ્રીય IT મંત્રી અશ્વિની વૈષ્ણવે કેબિનેટની બેઠક બાદ આ સમગ્ર યોજના વિશે માહિતી આપી હતી. વડાપ્રધાન નરેન્દ્ર મોદીની અધ્યક્ષતામાં મળેલી કેબિનેટની બેઠકમાં પીએમ સૂર્ય ઘર યોજના અને ખેડૂતોને ખાતર સબસિડીના મુદ્દે પણ નિર્ણયો લેવામાં આવ્યા હતા.
કેબિનેટે સૂર્ય ઘર યોજનાને મંજૂરી આપી
પીએમ-સૂર્ય ઘર યોજનાને પણ કેબિનેટ તરફથી લીલી ઝંડી મળી ગઈ છે. આ યોજના હેઠળ દેશના 1 કરોડ પરિવારોને 300 યુનિટ મફત વીજળી સાથે કમાવાની તક મળશે. સરકાર આ યોજના પર 75,021 કરોડ રૂપિયા ખર્ચ કરશે. કેન્દ્રીય મંત્રી અશ્વિની વૈષ્ણવે જણાવ્યું હતું કે દેશમાં સ્થાપિત થનારા 3 સેમિકન્ડક્ટર એકમોમાં કુલ રૂ. 1.26 લાખ કરોડનું રોકાણ થવાની અપેક્ષા છે.
આ કંપનીઓને જવાબદારી મળી
સરકાર દ્વારા મંજૂર કરાયેલા પ્રોજેક્ટ્સમાં, સીજી પાવર ગુજરાતમાં સેમિકન્ડક્ટર પ્લાન્ટ સ્થાપવા માટે જાપાનની રેનેસાસ ઈલેક્ટ્રોનિક્સ કોર્પ અને થાઈલેન્ડની સ્ટાર્સ માઈક્રોઈલેક્ટ્રોનિક્સ સાથે જોડાણ કરશે. TATA સેમિકન્ડક્ટર એસેમ્બલી અને ટેસ્ટ પ્રાઇવેટ લિમિટેડ 27,000 કરોડના રોકાણ સાથે પૂર્વીય રાજ્ય આસામમાં મોરીગાંવમાં સેમિકન્ડક્ટર પ્લાન્ટ સ્થાપશે.
ટાટા ગ્રૂપની ટાટા ઈલેક્ટ્રોનિક્સ પ્રાઈવેટ તાઈવાનના પાવરચિપ સેમિકન્ડક્ટર મેન્યુફેક્ચરિંગ કોર્પોરેશન સાથે મળીને ગુજરાતમાં સેમિકન્ડક્ટર પ્લાન્ટ સ્થાપશે. સેમિકન્ડક્ટર પ્રોજેક્ટને લગતા આ મોટા સમાચારની અસર તેનાથી સંબંધિત કંપનીના શેરના ભાવ પર પણ જોવા મળી શકે છે અને આવનારા સમયમાં તે વધી શકે છે. જો કે, આ રોકાણકારોના નસીબ પર નિર્ભર રહેશે.
આ પણ વાંચોઃ PPFમાં રોકાણ કરવાથી મળશે ડબલ રિટર્ન, ટેક્સ પણ બચશે