70થી વધુ મોબાઈલની ચોરી, સમગ્ર ઘટના CCTVમાં કેદ
(GNS) ગીર સોમનાથ, તા.11
ગીર સોમનાથમાં તસ્કરોનો આતંક દિવસેને દિવસે વધી રહ્યો છે. ત્યારે તસ્કરોના આતંકની આવી જ એક ઘટના સીસીટીવીમાં કેદ થઈ છે. કોડીનાર બસ સ્ટેન્ડ વિસ્તારમાં તસ્કરોએ મોબાઈલની દુકાનને નિશાન બનાવી હતી. ગત રાત્રે એટલે કે ગુરુવારે રાત્રે તસ્કરોએ શિવમ મોબાઈલ સ્ટોરમાં ચોરી કરી હતી. આ તસ્કરો દુકાનની જાળી તોડી અંદર પ્રવેશ્યા હતા અને ચોરીને અંજામ આપ્યો હતો. પ્રાપ્ત માહિતી અનુસાર, મોબાઈલ સ્ટોરમાંથી 70 થી વધુ મોબાઈલની ચોરી થઈ છે, જેથી ચોરીની સમગ્ર ઘટના સીસીટીવીમાં કેદ થઈ ગઈ છે.