ડીસા શહેરની મધ્યમાં આવેલી મામલતદાર કચેરી સંકુલમાં અનેક મોટા ખાડાઓ પડી ગયા છે. જેના કારણે કામકાજ પર આવતા વાહનચાલકોને ખાડાઓના કારણે ભારે હાલાકીનો સામનો કરવો પડી રહ્યો છે. આજે પણ એક કાર ખાડામાં ફસાઈ હતી. ઘટના બાદ મામલતદાર કચેરી ખાતે લોકો અને ફરિયાદી એકત્ર થઈને રજૂઆત કરી હતી અને ભારે મુશ્કેલીથી કારને ખાડામાંથી બહાર કાઢી હતી. ઠેર-ઠેર ખાડાઓમાં વાહનો અટવાતા વાહન ચાલકોને ભારે હાલાકીનો સામનો કરવો પડે છે. ત્યારે મામલદાર કચેરીના પટાંગણમાં બનાવેલા ખાડાઓ પુરવામાં આવે તો અહીં આવતા વાહનચાલકોને હેરાનગતિમાંથી બચાવી શકાય તેવી સ્થાનિક લોકો માંગ કરી રહ્યા છે.