કોરોના વાયરસની અસર હજુ પૂરી રીતે ખતમ નથી થઈ અને હવે એક નવો વાયરસ અમેરિકામાં મુશ્કેલી ઉભી કરી રહ્યો છે. હવે અહીંના લોકો નોરોવાયરસના કહેરનો સામનો કરી રહ્યા છે. આ અંગેની માહિતી સેન્ટર ફોર ડિસીઝ કંટ્રોલ એન્ડ પ્રિવેન્શન દ્વારા આપવામાં આવી છે.
આ મુજબ, પેટના વાયરસ, જેને સામાન્ય રીતે નોરોવાયરસ તરીકે ઓળખવામાં આવે છે, તે સમગ્ર અમેરિકાના ઉત્તરપૂર્વીય પ્રદેશમાં મુશ્કેલી ઉભી કરી રહ્યો છે. આ વાયરસથી પીડિત વ્યક્તિને અનેક પ્રકારની સમસ્યાઓનો સામનો કરવો પડે છે. આ ખતરનાક વાયરસને વ્યક્તિઓમાં ઉલ્ટી, ઝાડા અને ખોરાકથી થતી બીમારીના પ્રાથમિક કારણ તરીકે ઓળખવામાં આવે છે.
આ વાયરસ કોઈપણ વય જૂથના લોકોને અસર કરી શકે છે. તે અત્યંત ચેપી છે. યુનાઇટેડ સ્ટેટ્સમાં ખોરાકજન્ય બીમારીનું મુખ્ય કારણ નોરોવાયરસ રહ્યું છે. ઝાડા, તાવ, માથાનો દુખાવો, પેટમાં દુખાવો, શરીરમાં દુખાવો, ઉલટી, ઉબકા વગેરે આ વાયરસના મુખ્ય લક્ષણો છે.