લોખંડની તિજોરી તોડીને સોનાની માળા, બંગડીઓ અને રોકડ સહિત કુલ રૂ.2.64 લાખની ચોરી કરી હતી.
(GNS),19
ગાંધીનગર પોલીસ દ્વારા દિવાળી દરમિયાન ચોરીની ઘટનાઓને રોકવા માટે કરાયેલા પ્રયાસો નિષ્ફળ જતા જણાય છે. કારણ કે, ગાંધીનગરના સેક્ટર-2માં એક બંધ મકાનમાં તસ્કરોએ ચોરીને અંજામ આપ્યો છે. તસ્કરોએ ઘરમાં પ્રવેશી લોખંડની તિજોરી તોડી સોનાનો હાર, બંગડીઓ અને રોકડ સહિત કુલ રૂ.2.64 લાખની ચોરી કરી હતી. ગાંધીનગરના સેક્ટર 2માં રહેતા પરિવારના સભ્યો દ્વારકા ફરવા ગયા હતા.
દિવાળી દરમિયાન ઘર બંધ હતું. તે દરમિયાન તસ્કરોએ આ બંધ મકાનને નિશાન બનાવ્યું હતું. જો કે, ધ્યાનમાં લેવા જેવી બાબત એ છે કે શહેરમાં ચોરી અટકાવવા માટે વ્યવસ્થા કરવામાં આવી હતી અને એલાર્મ પણ ગોઠવવામાં આવ્યું હતું. જોકે, તસ્કરોએ ચોરીને અંજામ આપી પોલીસની કામગીરીને પડકાર ફેંક્યો હતો.