“સર્વ-સમાવેશક, સર્વ-સ્પર્શી, સર્વ-પ્રગતિશીલ ગાંધીનગર બજેટ”
(GNS),તા.22
ગાંધીનગર,
ગાંધીનગર મહાનગરપાલિકા ખાતે ગુરુવારે મેયર શ્રી હિતેશભાઈ મકવાણાની અધ્યક્ષતામાં વર્ષ 2024-25 ના બજેટની મંજૂરી સંદર્ભે “સામાન્ય સભા” મળી હતી. જેમાં ગાંધીનગર મહાનગરપાલિકા 2024-25 રૂ. 1259.85 કરોડનું બજેટ સામાન્ય સભાએ મંજૂર કર્યું હતું.
જેમાં નાગરિકોની સુખાકારી વધે તે માટે આરોગ્ય, શિક્ષણ, સ્વચ્છતા જેવા વિવિધ મુદ્દાઓને પ્રાધાન્ય આપીને નવી જોગવાઈઓને મંજૂરી આપવામાં આવી હતી. આ પ્રસંગે મેયરે જણાવ્યું હતું કે ગાંધીનગરના વિકાસને વેગ આપતું આ બજેટ દેશના ગ્રોથ એન્જીન એવા ગુજરાતના વિકાસને નવો વેગ આપવામાં મદદરૂપ થશે.