બિપરજોય ચક્રવાત બાદ ગુજરાતમાં ચોમાસાની જોરદાર એન્ટ્રી થઈ હતી. ત્રણ રાઉન્ડના વરસાદને કારણે રાજ્યની નદીઓ અને જળાશયોમાં પૂર આવ્યા હતા. ત્યારે થોડા દિવસ શાંત રહેતા મેઘરાજા હવે ફરી આવવાની તૈયારી કરી રહ્યા છે. જો રાજ્યમાં ત્રણ રાઉન્ડના વરસાદની વાત કરીએ તો અત્યાર સુધીમાં 79.83 ટકા વરસાદ નોંધાયો છે. જેમાં સિઝનનો સૌથી વધુ સરેરાશ વરસાદ કચ્છ ઝોનમાં 135.80 ટકા, સૌરાષ્ટ્રમાં 109.46 ટકા, ઉત્તર ગુજરાતમાં 66.85 ટકા, દક્ષિણ ગુજરાતમાં 70.50 ટકા, પૂર્વ-મધ્ય ગુજરાતમાં 63.47 ટકા નોંધાયો છે.