પક્ષના આદેશનો ભંગ કરનાર અને ક્રોસ વોટિંગ કરનારા 34 સભ્યોને તાત્કાલિક અસરથી 6 વર્ષ માટે સસ્પેન્ડ કરવામાં આવ્યા.
ગુજરાત કોંગ્રેસ હવે એક્શનમાં આવી છે. પાર્ટીના આદેશનો ભંગ કરનાર 34 સભ્યોને સસ્પેન્ડ કરવામાં આવ્યા છે. ચૂંટણીમાં ગેરહાજર રહેતા સભ્યો પાસેથી ખુલાસો માંગવામાં આવ્યો છે. પ્રદેશ કોંગ્રેસ પ્રમુખ શક્તિસિંહ ગોહિલે તાલુકા અને જિલ્લા પંચાયતની ચૂંટણીમાં પક્ષના આદેશનું ઉલ્લંઘન કરવા બદલ ક્રોસ વોટિંગ કરવા બદલ 34 સભ્યોને તાત્કાલિક અસરથી છ વર્ષ માટે સસ્પેન્ડ કર્યા છે.
ગારિયાધાર, કલોલ, અબડાસા, લખતર, સરસ્વતી, સિદ્ધપુર, વિસનગર, નડિયાદ, માતર, મહુવા તાલુકા પંચાયતોના ક્રોસ વોટિંગ કરનારા સભ્યોને સસ્પેન્ડ કરવામાં આવ્યા છે અને રાજ્યની વિવિધ તાલુકા પંચાયતોમાં પક્ષના આદેશ વિરુદ્ધ ગેરહાજર રહેતા નવ સભ્યોને સસ્પેન્ડ કરવામાં આવ્યા છે. . પક્ષ દ્વારા તાત્કાલિક નોટિસ પણ આપવામાં આવી છે અને ખુલાસો માંગવામાં આવ્યો છે.