ગાંધીધામઃ કચ્છમાં ફરી એકવાર ડ્રગ્સ તસ્કરો સક્રિય થયા છે. જો કે ગુજરાત પોલીસને ડ્રગ્સના મોટા રેકેટનો પર્દાફાશ કરવામાં સફળતા મળી છે. ગુરુવારે ફરી એકવાર પૂર્વ કચ્છમાંથી ડ્રગ્સનો મોટો જથ્થો ઝડપાયો છે. એફએસએલની પ્રાથમિક તપાસમાં કોકેઈનની હાજરી બહાર આવી હતી. ગુજરાત પોલીસ દ્વારા ડ્રગ્સ કેસમાં મોટું ઓપરેશન હાથ ધરવામાં આવ્યું હતું. આ ઓપરેશનમાં કચ્છના ગાંધીધામમાંથી 800 કરોડથી વધુની કિંમતનો ડ્રગ્સ જપ્ત કરવામાં આવ્યો છે. 80 કિલોથી વધુ ડ્રગ્સ મળી આવ્યું છે. ગાંધીધામની સ્થાનિક પોલીસે વધુ તપાસ હાથ ધરી છે.
ગુજરાતમાં ડ્રગ્સના કેસમાં ગુજરાત પોલીસે એક મોટું ઓપરેશન હાથ ધર્યું. આ કામગીરીમાં પોલીસને સફળતા મળી છે. પોલીસે 800 કરોડથી વધુની કિંમતનો કોકેઈન જપ્ત કર્યો છે. પ્રાપ્ત માહિતી અનુસાર, 80 કિલોથી વધુ કોકેઈન જપ્ત કરવામાં આવ્યું છે. જપ્ત કરાયેલા જથ્થાને પરીક્ષણ માટે FSLમાં મોકલવામાં આવ્યો હતો અને પ્રાથમિક તપાસમાં તે કોકેઈનનો હોવાનું બહાર આવ્યું હતું.
મળતી માહિતી મુજબ, પોલીસને આ જથ્થો બિનવારસી હાલતમાં મળી આવ્યો હતો. કચ્છના દરિયાકાંઠે સતત ડ્રગ્સના પેકેટ મળ્યા બાદ બીએસએફે તે દિશામાં તપાસ કરી હતી. દરમિયાન ગઇકાલે પૂર્વ કચ્છ પોલીસ પેટ્રોલીંગમાં હતી ત્યારે પોલીસને જથ્થો ત્યજી દેવાયેલો મળી આવ્યો હતો. આટલો જથ્થો ડ્રગ્સનો જથ્થો કોણે મંગાવ્યો હતો અને ક્યાં મોકલવાનો હતો તે અંગે કચ્છ પોલીસ તપાસ કરી રહી છે.