મંત્રીશ્રીની અધ્યક્ષતામાં ગુજરાત પ્રદુષણ નિયંત્રણ બોર્ડની તમામ પ્રાદેશિક કચેરીઓની કામગીરી અંગે સમીક્ષા બેઠકનું આયોજન કરવામાં આવ્યું હતું.
(GNS),તા.01
ગાંધીનગર,
ગુજરાત પ્રદુષણ નિયંત્રણ બોર્ડ, ગાંધીનગર ખાતે તૈયાર કરવામાં આવેલ આધુનિક કમિટી હોલનું અનાવરણ વન અને પર્યાવરણ મંત્રી શ્રી મૂળુભાઈ બેરા અને રાજ્ય મંત્રી શ્રી મુકેશભાઈ પટેલ દ્વારા કરવામાં આવ્યું હતું.
આજે વન અને પર્યાવરણ મંત્રી શ્રી મૂળુભાઈ બેરા અને રાજ્ય મંત્રી શ્રી મુકેશભાઈ પટેલની અધ્યક્ષતામાં ગુજરાત પ્રદૂષણ નિયંત્રણ બોર્ડની તમામ પ્રાદેશિક કચેરીઓની કામગીરી અંગે સમીક્ષા બેઠકનું આયોજન કરવામાં આવ્યું હતું. જેમાં ગુજરાત પોલ્યુશન કંટ્રોલ બોર્ડના અધિકારીઓ મંત્રીઓને બોર્ડની વિશેષ કામગીરીની માહિતી આપવા પધાર્યા હતા અને તમામ પ્રાદેશિક કચેરીઓના કાર્યક્ષેત્ર અંગે પ્રેઝન્ટેશન આપવામાં આવ્યું હતું. મંત્રીઓ દ્વારા અધિકારીઓને જરૂરી સૂચનો આપવામાં આવ્યા હતા.
આ પ્રસંગે ગુજરાત પ્રદુષણ નિયંત્રણ બોર્ડના ચેરમેન શ્રી આર.બી.બારડ, સભ્ય સચિવ શ્રી ડી.એમ.ઠાકર અને પ્રાદેશિક કચેરીના અધિકારીઓ ઉપસ્થિત રહ્યા હતા.