ગુજરાતમાં વરસાદને લઈને ફરી એકવાર હવામાન વિભાગની આગાહી સામે આવી છે. મળતી માહિતી મુજબ, હવામાન વિભાગે ગુજરાતમાં 5 દિવસ સુધી વરસાદ પડશે તેવું અનુમાન લગાવ્યું છે. આ સાથે આગામી 24 કલાકમાં સૌરાષ્ટ્રના અનેક વિસ્તારોમાં વરસાદ પડશે. દરમિયાન આજે છોટાઉદેપુરમાં સૌથી વધુ વરસાદ પડવાની હવામાન વિભાગે આગાહી કરી છે. મહત્વનુ છે કે, મેઘરાજાએ દક્ષિણ ગુજરાતને આંબી ચુક્યુ છે. અહીં અનેક વિસ્તારોમાં નદીઓ અને નહેરો તૂટેલી છે અને ઘણા નીચાણવાળા વિસ્તારો પાણીમાં ડૂબી ગયા છે.