અકસ્માતમાં એક જ પરિવારની બે મહિલા, બે પુરૂષ અને એક યુવકના મોત થયા છે.
જામનગરના સાપરા ડેમમાં એક જ પરિવારના પાંચ લોકોના ડૂબી જવાની ઘટના પ્રકાશમાં આવી છે. ઘટનાની જાણ થતાં ફાયર બ્રિગેડ, 108 અને પોલીસ કાફલો ઘટનાસ્થળે પહોંચી ગયો હતો અને પાંચેય મૃતદેહોને બહાર કાઢ્યા હતા. આ અકસ્માતમાં એક જ પરિવારની બે મહિલા, બે પુરૂષ અને એક યુવકના મોત થયા છે.
ફાયર વિભાગે પાંચેય લોકોના મૃતદેહ બહાર કાઢ્યા છે. આ રીતે એક જ પરિવારના પાંચ લોકોના આકસ્મિક મોતથી ગામમાં શોકનો માહોલ છવાયો છે.જામનગર શહેરનો એક પરિવાર સપડા ડેમ પર ફરવા ગયો હતો. આ પરિવારના સભ્યોને ડેમમાં ન્હાવા પડ્યા હતા. જેમાં પાંચના ડૂબી જવાથી મોત થયા છે. ઘટનાની જાણ થતાં ફાયર બ્રિગેડ, 108 અને પોલીસ કાફલો ઘટનાસ્થળે પહોંચી ગયો હતો અને બચાવ કામગીરી શરૂ કરી હતી.
બીજી તરફ ખેડાના મહિજ ગામ પાસેથી પસાર થતી મેશ્વો કેનાલમાં ત્રણ કિશોરો ન્હાવા ગયા હતા જેમાંથી બે કિશોરોના ડૂબી જવાથી મોત નીપજ્યા હતા. ખેડા પોલીસે બંને કિશોરોના મૃતદેહને પોસ્ટમોર્ટમ માટે ખેડા સિવિલમાં મોકલી આગળની કાર્યવાહી હાથ ધરી હતી.