ગુજરાત રાજ્ય યોગ બોર્ડ દ્વારા પ્રથમ વખત યોગને પ્રોત્સાહન આપવા માટે જિલ્લા, નગરપાલિકા, તાલુકા અને ગ્રામ્ય સ્તરે યોગ શિબિરો અને યોગ સંવાદો સહિત યોગ પ્રત્યે જાગૃતિ લાવવા માટે સૂર્ય નમસ્કાર સ્પર્ધાનું આયોજન કરવામાં આવ્યું છે. જેનો પ્રતિસાદ દરેક તાલુકા અને જિલ્લા કક્ષાએ જોવા મળી રહ્યો છે ત્યારે વિસનગરમાં પણ યોગ પ્રત્યે જાગૃતિ આવે તે માટે ગ્રામ્ય કક્ષા અને તાલુકા કક્ષાએ સૂર્ય નમસ્કાર સ્પર્ધાનું આયોજન કરવામાં આવ્યું હતું. જેમાં જી.ડી.હાઇસ્કૂલમાં તાલુકા કક્ષાની સૂર્ય નમસ્કાર સ્પર્ધાનું આયોજન કરવામાં આવ્યું હતું. જેમાં ગ્રામ્ય કક્ષાએ વિજેતા બનેલા વિદ્યાર્થીઓએ ભાગ લીધો હતો. જેમાં વિજેતાને જિલ્લા કક્ષાએ મોકલવામાં આવશે.
વિસનગર શહેરની જી.ડી.હાઇસ્કૂલ ખાતે ગુજરાત રાજ્ય યોગ બોર્ડ દ્વારા યોગ પ્રત્યે જાગૃતિ લાવવા માટે સૂર્ય નમસ્કાર સ્પર્ધાનું આયોજન કરવામાં આવ્યું હતું. જેમાં જી.ડી.હાઇસ્કૂલમાં તાલુકાકક્ષ અને વિસનગર પાલિકાની સૂર્ય નમસ્કાર સ્પર્ધાનું આયોજન કરવામાં આવ્યું હતું. જેમાં ગ્રામ્ય કક્ષાના વિજેતાઓએ તાલુકા કક્ષાની સ્પર્ધામાં ભાગ લીધો હતો. જેમાં તાલુકા કક્ષાએ 60 અને નગરપાલિકા કક્ષાએ 20 બાળકોએ ભાગ લીધો હતો. પ્રવીણભાઈ ચૌધરીએ જણાવ્યું હતું કે પ્રથમ નંબર મેળવનાર ખેલાડીને જિલ્લા કક્ષાની સૂર્ય નમસ્કાર સ્પર્ધામાં મોકલવામાં આવશે.