ઝેરોધા મ્યુચ્યુઅલ ફંડે ઝેરોધા નિફ્ટી 1D રેટ લિક્વિડ ETF ઓપન-એન્ડેડ એક્સચેન્જ-ટ્રેડેડ ફંડ લોન્ચ કર્યું છે. આ ફંડ નિફ્ટી 1D રેટ ઈન્ડેક્સને ટ્રેક કરે છે. આ ફંડ 24 જાન્યુઆરી, 2024 સુધીમાં NSE અને BSE એક્સચેન્જમાં લિસ્ટ થવાની અપેક્ષા છે. આ સ્કીમ 8 જાન્યુઆરી, 2024 ના રોજ સબ્સ્ક્રિપ્શન માટે ખુલી છે જે 12 જાન્યુઆરીના રોજ બંધ થશે.
ન્યૂ ફંડ ઓફર એટલે કે NFO હેઠળ યુનિટની ફાળવણી થયા બાદ 5 કામકાજના દિવસોમાં આ સ્કીમ વેચાણ અને ખરીદી માટે ફરીથી ખુલશે. આ સ્કીમ એક ઓપન-એન્ડેડ ETF છે જે નિફ્ટી 1D રેટ ઈન્ડેક્સને ટ્રેક કરે છે. આ સ્કીમ ટૂંકા ગાળાના બચત ઉકેલ અને નિફ્ટી 1D રેટ ઈન્ડેક્સ દ્વારા આવરી લેવામાં આવતી સિક્યોરિટીઝમાં રોકાણ કરે છે તેથી તે પ્રોડક્ટ ઈચ્છતા રોકાણકારો માટે યોગ્ય છે
આ મ્યુચ્યુઅલ ફંડ સ્કીમનો રોકાણનો ઉદ્દેશ ગવર્નમેન્ટ સિક્યોરિટીઝ અથવા ટ્રેઝરી બિલ્સ પર રોકાણ કરવાનો છે. સ્કીમનો ઉદ્દેશ્ય ટ્રેકિંગ ભૂલને આધીન, ખર્ચ પહેલાં, નિફ્ટી 1D રેટ ઈન્ડેક્સના રિટર્નને અનુરૂપ રોકાણ વળતર પ્રદાન કરવાનો છે. ઝેરોધા ફંડ હાઉસના CEO વિશાલ જૈનના જણાવ્યા અનુસાર ZFHની આ નવી પ્રોડક્ટ ભારતમાં પ્રથમ વખત ગ્રોથ NAV ઓફર કરતી લિક્વિડ ETFના આગમનને દર્શાવે છે.
આ ફિચર ETF ના પ્રદર્શનને ટ્રેક કરવાનું સરળ બનાવે છે. ETF જ્યારે વેચવામાં આવે ત્યારે જ રિટર્ન પર ટેક્સ લાગે છે, જ્યારે દૈનિક વિભાજન પર સતત ટેક્સ લાગે છે. આ ઉપરાંત રિટેલ ઈન્વેસ્ટર્સને સક્ષમ કરવા માટે ETFની ટિકિટ સાઈઝ નીચી હશે, જેની શરૂઆત 100 રૂપિયાની NAVથી થશે. રોકાણકારો આ મ્યુચ્યુઅલ ફંડ સ્કીમમાં ઓછામાં ઓછા 500 રૂપિયા અને ત્યારબાદ 1 રૂપિયાના ગુણાંકમાં રોકાણ કરી શકે છે. રોકાણ પર કોઈ ઉચ્ચ મર્યાદા નથી.