ડીસા તાલુકામાં ભીલડી પોલીસ પેટ્રોલીંગમાં હતી ત્યારે બાતમી મળી હતી કે રાજસ્થાન તરફથી દારૂ ભરેલી કાર ભીલડી તરફ આવી રહી છે. આથી પોલીસે ગણેશપુરાના પાટીયા પાસે સર્વેલન્સ ગોઠવી દીધો હતો. દરમિયાન એક જીપ સ્ટોલની સામે બે વાહનો શંકાસ્પદ રીતે આગળ-પાછળ જતા હતા અને પોલીસને શંકા ગઈ હતી. આવી સ્થિતિમાં પોલીસે ત્રણેય વાહનોને અટકાવતા પીકઅપ જીપડાલાનો ચાલક વાહન મુકીને ત્યાંથી ભાગી ગયો હતો.
ભીલડી પોલીસે પીકઅપ જીપડાલાની તલાશી લેતા તેમાંથી દારૂનો મોટો જથ્થો મળી આવ્યો હતો. પાછળ-પાછળ દોડી રહેલી બંને ઈકો કારના ચાલકની પૂછપરછ કરવામાં આવતા તેણે જણાવ્યું કે તે દારૂ ભરેલી કારનું પાયલોટીંગ કરતો હતો. આથી પોલીસે બંને ડ્રાઈવર સહિત ચાર લોકોની અટકાયત કરી હતી. જ્યારે ત્રણ કાર સહિત કુલ રૂ.8.67 લાખનો મુદ્દામાલ કબજે કરી આગળની કાર્યવાહી હાથ ધરી છે.
The post ડીસાના ભીલડીમાંથી દારૂ ભરેલી કારને આગળ-પાછળ ફરતા 4 લોકો ઝડપાયા appeared first on Rakewal Daily.