ડીસાના પાલનપુરના જ્વેલર્સ માલિકને લૂંટવાનું કાવતરું ઘડવાના ગુનામાં વધુ એક વોન્ટેડ આરોપીનું નામ સામે આવ્યું છે. આથી પોલીસે આરોપીઓને શોધીને તેમની ધરપકડ કરી વધુ તપાસ હાથ ધરી છે. અગાઉ પોલીસે આ ગુનામાં પાંચ આરોપીઓને ઝડપી જેલમાં મોકલી આપ્યા હતા.
ડીસા શહેર પોલીસે 20 દિવસ પહેલા રિવોલ્વર અને કારતુસ સાથે એક ગેંગનો પર્દાફાશ કર્યો હતો. આ ટોળકી પાલનપુરમાં જ્વેલર્સ માલિકને લૂંટવાનો પ્લાન બનાવી રહી હતી. જો કે, ગેંગ ચોરીને અંજામ આપે તે પહેલા જ એલર્ટ પોલીસે ગેંગના તમામ સભ્યોને તાત્કાલિક જેલના સળિયા પાછળ ધકેલી દીધા હતા. જેમાં ડીસા તાલુકા પોલીસે વધુ ઝીણવટભરી તપાસ કરતાં એક સપ્તાહ પહેલા વોન્ટેડ રાયમલસિંહ ઠાકોરનું નામ ખુલ્યું હતું. જેથી પોલીસે આરોપીને કસ્ટડીમાં લઈ વધુ તપાસ હાથ ધરી છે. અગાઉ આ કેસમાં ડીસા શહેર પોલીસે હિતેશપુરી ઉર્ફે એક્શન બાબુપુરી ગોસ્વામી (રહે. ગોવર્ધન પાર્ક, ડીસા), રાહુલ ઉર્ફે પ્રતીક બાબુભાઈ ઠાકોર (રહે. ભોપાનગર, ડીસા) અને વિષ્ણુજી ઈશ્વરજી ઠાકોર (રહે. ભોપાનગર, ડીસા)ની ધરપકડ કરી છે. જ્યારે જીતેન્દ્ર ઉર્ફે ટીલ્લુ તોમર મુરેના અને ઈમરાન ઉર્ફે ભુરા સિંધી (રહે. પાલનપુર) સામે ગુનો નોંધી રિમાન્ડ મેળવ્યા છે. આ પછી આખરે તમામ આરોપીઓને સબ જેલમાં મોકલી દેવામાં આવ્યા છે.