ડીસામાં ઇકો કારની પાછળ કાર અથડાતા અકસ્માત સર્જાયો હોવાની ઘટના પ્રકાશમાં આવી છે. સદનસીબે ઈકો કારમાં બેઠેલા 15 જેટલા વિદ્યાર્થીઓનો ચમત્કારિક બચાવ થયો હતો. પોલીસે આ અંગે વધુ તપાસ હાથ ધરી હતી. ડીસા સહિત સમગ્ર બનાસકાંઠા જિલ્લામાં અકસ્માતના બનાવોમાં નોંધપાત્ર વધારો થયો છે. આજે વિદ્યાર્થીઓથી ભરેલી ઈકો કાર એરપોર્ટ 4 રોડથી સાંઈબાબા મંદિર તરફ જઈ રહી હતી. પછી અચાનક આગલી જમ્પમાં ભણસાલી હોસ્પિટલ પાસે ઈકો કારના ડ્રાઈવરે બ્રેક લગાવી અને કાર ધીમી પડી ગઈ. ત્યારે પાછળથી આવતા વાહન સાથે હડફેટે લેતા અકસ્માત સર્જાયો હતો. અકસ્માત બાદ આસપાસના લોકોના ટોળા એકઠા થઈ ગયા હતા.
સદનસીબે કોઈ જાનહાનિ થઈ ન હતી અને ઈકો કારમાં બેઠેલા 15 જેટલા વિદ્યાર્થીઓ પણ ચમત્કારિક રીતે બચી ગયા હતા. ઘટના બાદ ડીસા સીટી પોલીસે ઘટના સ્થળે પહોંચી ટ્રાફિક હળવો કરી અકસ્માતગ્રસ્ત વાહનોને સાઈડલાઈન કરી આગળની કાર્યવાહી હાથ ધરી હતી.