ડીસામાં બે અલગ અલગ જગ્યાએ રીક્ષા અકસ્માતની ઘટના પ્રકાશમાં આવી છે. જેમાં ભોણિયા ગામ પાસે ચાલકે સાઇડમાં ઉભેલી રિક્ષાને ટક્કર મારતાં અકસ્માત સર્જાયો હતો. રાત્રીના સમયે રીક્ષા પલટી જવાથી સર્જાયો અકસ્માત ડીસામાં ગઈકાલે બે અલગ અલગ જગ્યાએ રીક્ષા પલટી જવાના કારણે અકસ્માત સર્જાયો હતો. જેમાં પાલનપુર હાઇવે પર ભોયણ પાસે રોડની કિનારે એક રિક્ષા ઉભી હતી. ત્યારે પાલનપુરથી ડીસા તરફ આવતી કારે ઉભેલી રીક્ષાને ટક્કર મારતા અકસ્માત સર્જાયો હતો. સદનસીબે રિક્ષામાં કોઈ ન હોવાથી કોઈ જાનહાનિ થઈ ન હતી, પરંતુ રિક્ષાના માલિકને ઘણું નુકસાન થયું હતું. ઘટનાને પગલે લોકોના ટોળા એકઠા થઈ ગયા હતા.
જ્યારે રાત્રીના સમયે હાઇવે પર અન્ય એક રિક્ષાને અકસ્માત નડ્યો હતો. ત્યાંથી એક રિક્ષાચાલક પસાર થઈ રહ્યો હતો. ત્યારે અચાનક ચાલકે સ્ટીયરીંગ પરનો કાબુ ગુમાવતા રીક્ષા પલટી મારી ગઈ હતી. ઘટના બાદ આસપાસના લોકો રાહત કાર્ય શરૂ કરવા દોડી આવ્યા હતા, પરંતુ રિક્ષાચાલક નશાની હાલતમાં જોવા મળ્યો હતો, જેનાથી લોકોમાં રોષ ફેલાયો હતો. સદનસીબે આ બંને અકસ્માતમાં કોઈ જાનહાની થઈ ન હતી.