ડીસા શહેરના સમસ્ત રબારી સમાજે રબારી સમાજ ગુરુગાદી વલીનાથ ધામ તરભાણ પૂજ્ય મહંત શ્રી જયરામગીરી બાપુનું ભવ્ય સ્વાગત કર્યું હતું. પરમ પૂજ્ય વાલીનાથ ધામ તરભાણ પરમ પૂજ્ય 1008 બ્રહ્માલિન મહંત બલદેવગીરી બાપુ પ્રાણ પ્રતિષ્ઠા મહોત્સવ અને અતિરુદ્ર મહાયજ્ઞ 2024નું ભવ્ય આયોજન કરવામાં આવ્યું છે. ત્યારે આ અમૂલ્ય અવસરમાં ભાગ લેવા માટે વલીનાથ ધામ ગામડે ગામડે સમસ્ત રબારી સમાજને આમંત્રણ પાઠવી રહ્યું છે. જે અંતર્ગત રવિવારે ડીસામાં પરમ પૂજ્ય મહંત જયરામગીરી બાપુનું આગમન થતા સમગ્ર ડીસા શહેરના રબારી સમાજ દ્વારા ભવ્ય સ્વાગત અને સન્માન કરવામાં આવ્યું હતું. આ સાથે રબારી સમાજે ડીસા એપીએમસીના નવનિયુક્ત પ્રમુખ ગોભાઈ રબારી અને ધાનેરાના ધારાસભ્ય માવજીભાઈ દેસાઈનું પણ સન્માન કર્યું હતું. આ પ્રસંગે ડીસા શહેરના રબારી સમાજના આગેવાનો ઉપરાંત યુવાનોએ ભારે જહેમત ઉઠાવી હતી. મહેસાણાના વિસનગર તાલુકાના તરભ ગામમાં ભગવાન વલીનાથનું ભવ્ય મંદિર (શિવ મંદિર) બનાવવામાં આવ્યું છે. જેમાં સમસ્ત રબારી સમાજના સહયોગ અને સહકારથી નૂતન મંદિરનો પ્રાણ પ્રતિષ્ઠા મહોત્સવ અને અતિરુદ્ર મહાયજ્ઞ થશે.