ડીસા સાંઈ મોદી યુવા મિત્ર મંડળ દ્વારા થર્ટી ફર્સ્ટની અનોખી શૈલીમાં ઉજવણી કરવામાં આવી હતી. આ મિત્ર જૂથે આજે રક્તદાન શિબિરનું આયોજન કર્યું હતું અને જરૂરિયાતમંદ લોકોને થર્ટી ફર્સ્ટની ઉજવણીમાં મદદ કરવા માટે 201 બોટલ રક્ત એકત્ર કર્યું હતું. સામાન્ય રીતે આજના યુવાનો થર્ટી ફર્સ્ટની ઉજવણી મોજ-મસ્તી કરીને અને પાર્ટી કરીને કરતા હોય છે, પરંતુ ડીસામાં સાંઈ મોદી યુવક મિત્ર મંડળે થર્ટી ફર્સ્ટની ઉજવણી અનોખી રીતે કરી છે.વર્ષના અંતિમ દિવસે આ મિત્ર મંડળે નક્કી કર્યું છે કે, જરૂરિયાતમંદ લોકો અને કોઈને મદદ કરો.તેમનો જીવ બચાવવાના ઉદ્દેશ્ય સાથે રક્તદાન શિબિરનું આયોજન કર્યું. ડીસામાં સાંઈ મોદી યુવા મિત્ર મંડળ દ્વારા મોઢા મોદી સમાજની વાડીમાં આખો દિવસ રક્તદાન કેમ્પમાં ભાઈ-બહેનોએ રક્તદાન કર્યું હતું અને સાંજ સુધીમાં કુલ 201 રક્તદાતાઓએ રક્તદાન કરી મહાદાનનું પુણ્ય મેળવ્યું હતું.
જરૂરિયાતમંદ લોકો માટે 201 બોટલનો લક્ષ્યાંક પૂર્ણ કરી સંકલ્પ લેબોરેટરીમાં જમા કરાવવામાં આવ્યો હતો. આ સેવાકીય કાર્યને બિરદાવવા સમાજના અગ્રણીઓ અને વિવિધ સંસ્થાઓ ઉપસ્થિત રહ્યા હતા. રક્તદાતાઓને પ્રોત્સાહિત કરવા માટે 2 લીટરનું પ્રેશર કુકર ભેટમાં આપવામાં આવ્યું હતું અને રક્તદાન શિબિરમાં ચા, કોફી, બિસ્કીટ અને ગરમ નાસ્તાની વ્યવસ્થા કરવામાં આવી હતી.