6 ડિસેમ્બરના રોજ હોમગાર્ડ સ્થાપના દિવસ નિમિત્તે મંગળવારે દિશા હોમગાર્ડ કચેરી દ્વારા પ્રભાતફેરીનું આયોજન કરવામાં આવ્યું હતું. જેમાં શહેરમાં પધારેલ મહાપુરુષોની પ્રતિમાઓની સફાઈ કરી પુષ્પાંજલિ અર્પણ કરી સન્માન કરાયું હતું. આ સાથે હોમગાર્ડઝ યુનિટે લોકોની સલામતી સાથે લોકસેવા માટે હંમેશા તત્પર રહેવાનો નિર્ધાર દર્શાવ્યો હતો.ડીવાયએસપી અને ઈન્ચાર્જ જિલ્લા કમાન્ડન્ટ એમ.બી. વ્યાસની સૂચના મુજબ 6 ડિસેમ્બરના રોજ હોમગાર્ડ સ્થાપના દિવસની ઉજવણી કરવામાં આવી હતી. જેમાં તા.3 થી 6 ડીસા હોમગાર્ડ કચેરીમાં પરેડ અને વિવિધ કાર્યક્રમોનું આયોજન કરવામાં આવ્યું હતું.
આજે સવારે ઓફિસર કમાન્ડીંગ એસ.કે. પંડ્યાની આગેવાની હેઠળ જિલ્લા હોમગાર્ડ કચેરીએથી શોભાયાત્રા કાઢવામાં આવી હતી. આજે સવારે ડીસા કચેરીએથી શોભાયાત્રા શરૂ થઈ હતી અને ગાંધીજીની પ્રતિમા, ફાઉન્ટેન સર્કલ, ગાર્ડન સર્કલ, આંબેડકરની પ્રતિમા વગેરેની સફાઈ કરવામાં આવી હતી.