ડીસાના બનાસ પુલ પર મોડી રાત્રે અકસ્માત સર્જાયો હતો. બે ટ્રક વચ્ચે સામસામે અથડાતા ચાર લોકો ગંભીર રીતે ઘાયલ, ટ્રક ચાલકનું સારવાર દરમિયાન મોત નીપજ્યું હતું. ડીસાના બનાસ બ્રિજ પર મોડી રાત્રે બે ટ્રક સામસામે અથડાતા અકસ્માત સર્જાયો હતો. અકસ્માતના કારણે વાહનચાલકો કલાકો સુધી જામમાં અટવાયા હતા. ઘટના બાદ ટ્રાફિક પોલીસની ટીમ, 108 એમ્બ્યુલન્સ વાન અને સ્થાનિક લોકો તાત્કાલિક રાહત કાર્ય શરૂ કરવા પહોંચી ગયા હતા. કટર મશીન અને ક્રેઈનની મદદથી બે કલાકની જહેમત બાદ ટ્રકમાં ફસાયેલા બંને ડ્રાઈવરને બહાર કાઢવામાં આવ્યા હતા અને બંને ટ્રક ચાલક અને ક્લીનર સહિત ચાર લોકોને સારવાર માટે સરકારી દવાખાને લઈ જવામાં આવ્યા હતા. વધુ સારવાર માટે પાલનપુર લઇ જવાયો હતો. જ્યાં પંજાબના એક ટ્રક ચાલકનું રસ્તામાં જ દર્દનાક મોત થયું હતું. આથી પોલીસે મૃતકની લાશનું પીએમ કરાવી તેના માતા-પિતાને જાણ કરી આગળની કાર્યવાહી હાથ ધરી હતી.