ડીસાના ભડથ ગામનો એક યુવાન નદીમાં ન્હાવા જતાં ડૂબી જતાં મામલતદાર અને તાલુકા પોલીસ સહિતની ટીમે ઘટના સ્થળે પહોંચી શોધખોળ હાથ ધરી હતી.દાંતીવાડા ડેમમાંથી બનાસ નદીમાં પાણી છોડતાં ચાર દિવસમાં બે યુવકો ડૂબી ગયા છે. બે દિવસ પહેલા દાંતીવાડા નજીક ડીસા તાલુકાના મહાદેવિયા ગામના યુવાનનું ડૂબી જવાથી મોત થયું હતું. ત્યારે આજે ગેનાજી ગુલાલયા પાસે પસાર થતી બનાસ નદીના પાણીમાં ન્હાવા જતા ભડથ ગામનો એક યુવાન ડૂબી ગયો હતો.જ્યારથી બનાસ નદીમાં પાણી છોડવામાં આવ્યું છે ત્યારથી વહીવટીતંત્ર દ્વારા લોકોને નદીમાં ન રખડવા કે નહાવા વારંવાર સૂચના આપવામાં આવી છે. હજુ પણ કેટલાક લોકો તંત્રની સૂચનાને અવગણી બનાસ નદીમાં સ્નાન કરીને મોતના મુખમાં ધકેલાઈ રહ્યા છે. ભડથ ગામનો પ્રવિણસિંહ વાઘેલા નામનો યુવાન પણ ગેનાજી ગોલાાલય નજીકથી પસાર થતી નદીમાં ન્હાવા પડતાં તે નદીના પ્રવાહમાં ફસાઈ ગયો હતો અને ડૂબી ગયો હતો. ઘટના બાદ આસપાસના લોકો અને સ્થાનિક બચાવકર્તા તેને શોધવા દોડી આવ્યા હતા. ઘટનાની જાણ થતા જ મામલતદાર અને પોલીસ સહિતની ટીમ પણ ઘટના સ્થળે પહોંચી યુવકની શોધખોળ હાથ ધરી હતી.