ડીસા-રાધનપુર નેશનલ હાઈવે પર આજે વધુ એક અકસ્માતની ઘટના સામે આવી છે. જેમાં બાઇક ચાલક સ્લીપ થઇ જતાં તેને ગંભીર ઇજા થતાં તેને 108 એમ્બ્યુલન્સ વાનમાં સારવાર માટે ડીસાની સરકારી હોસ્પિટલમાં લઇ જવાયો હતો.ડીસા-રાધનપુર નેશનલ હાઇવે પર બાઇક અકસ્માતમાં બાઇક ચાલકને ગંભીર ઇજા પહોંચી હતી. જગમાલભાઈ ચેહરાભાઈ પટેલ નામના વ્યક્તિ બાઇક પર ભીલડીથી પાલનપુર જઈ રહ્યા હતા. દરમિયાન લોરવાડા પાસેથી પસાર થતી વેળાએ અચાનક બાઇક સ્ટેરીંગ પરનો કાબુ ગુમાવી દેતા અકસ્માત સર્જાયો હતો. સ્લીપ થતાં બાઇક રોડ પર પડતાં ચાલકને ગંભીર ઇજા થઇ હતી. આ ઘટના બાદ આસપાસના લોકો એકઠા થઈ ગયા હતા. અકસ્માતની માહિતી મળતાની સાથે જ 108 એમ્બ્યુલન્સ વાન પણ ઘટના સ્થળે પહોંચી હતી અને ઇજાગ્રસ્ત બાઇક સવારને સારવાર માટે સરકારી હોસ્પિટલમાં ખસેડ્યો હતો.