થરાદના કિયાલ ગામે ખેતરમાં ટ્રેક્ટર અને રોટોવેટર મશીન સાથે કામ કરતા યુવાન ખેડૂતનું કચડીને મોત નિપજતાં ચકચાર મચી જવા પામી હતી. યુવકના શરીરના અંગો બહાર કાઢી લાશને પોસ્ટમોર્ટમ માટે મોકલી આપવામાં આવી હતી. થરાદના કિયાલ ગામના યુવાન ખેડૂત ઠાકોર જગાભાઈ છોગાભાઈ થરા થરા ગામની સીમમાં ટ્રેક્ટરમાં રોટોવેટર જોડીને પોતાના ખેતરમાં કામ કરી રહ્યા હતા. ટ્રેક્ટર અચાનક પડી જતાં અને રોટોવેટરમાં ફસાઇ જતાં તેનું કરૂણ અને વિકરાળ મોત નીપજ્યું હતું. આ બનાવની જાણ થતાં જ ગામના સરપંચ હાજાભાઈ ઠાકોર ગામમાં પહોંચી ગયા હતા. જો કે તે પહેલા જ યુવકનો મૃતદેહ મળી આવ્યો હતો. ગંભીર ઈજાના કારણે તેના ટુકડા થઈ ગયા હતા…જેને પોટલીમાં બાંધીને થરાદની સરકારી હોસ્પિટલમાં લઈ જવામાં આવ્યો હતો. યુવકના આકસ્મિક મોતથી તેના ચાર સંતાનોના માથા પરથી પિતાનો પડછાયો ઉડી ગયો હતો. આ બનાવને પગલે ગામમાં અને વિસ્તારમાં શોકનું મોજુ પ્રસરી ગયું હતું. થરાદ પોલીસે અકસ્માત મોત નોંધી આગળની કાર્યવાહી હાથ ધરી છે.
સ્પિન્ડલ હતી