આજે વહેલી સવારે વરસાદના કારણે થરાદ નગરની જૂની નગરપાલિકાની ઇમારત ધરાશાયી થઇ હતી. બિલ્ડિંગની આસપાસ ઘણો ટ્રાફિક છે, પરંતુ સદનસીબે કોઈ જાનહાનિ થઈ નથી. 1998 પહેલા થરાદ નગરપાલિકા જે બિલ્ડીંગમાં આવેલી હતી તે લગભગ 155 વર્ષ જૂની હતી. ઉત્તર ગુજરાતની સૌપ્રથમ કન્યા શાળા આ બિલ્ડીંગમાં સૌપ્રથમ શરૂ થઈ હતી. થોડા વર્ષો બાદ તાલુકા પંચાયત હસ્તકની આ મિલકત જે કન્યા શાળા માટે નવી ઇમારત બની હતી તેને થરાદ પંચાયત દ્વારા ભાડે આપી દેવામાં આવી હતી. આ ઐતિહાસિક ઈમારતમાં જ થરાદના જૈન સરપંચ પુનમચંદ પારેખ, નરપતલાલ દેવા, મફતલાલ વગેરેએ પંચાયતની કામગીરી હાથ ધરી હતી. સરપંચ બાદ પ્રમુખ અને સેક્રેટરી પદના હોદ્દેદારોએ પણ આ જુના બિલ્ડીંગમાં પોતાનો કાર્યકાળ પુરો કર્યો હતો. 15/4/1994ના રોજ થરાદ નગરપાલિકા બન્યા બાદ પણ ચાર વર્ષ સુધી આ બિલ્ડીંગમાં નગરપાલિકા રહી હતી. 1998થી નગરપાલિકા કચેરીને હાલના નવા બનેલા બિલ્ડીંગમાં લાવવામાં આવી છે. થરાદના વરિષ્ઠ નાગરિક અને નગરપાલિકાના પૂર્વ કર્મચારી રામચંદભાઈ વાણિયાના જણાવ્યા મુજબ આ મકાન વર્ષ 1868ની આસપાસ બાંધવામાં આવ્યું હતું.