થરામાં સહકારી બેંકના મેનેજરને વોટ્સએપ પર ધમકી આપવામાં આવી હતી. બેંક ખાલી કરવા સહિતના અજાણ્યા નંબર પરથી મેસેજ કરીને તેને હેરાન કરવામાં આવતો હતો. થરામાં સહકારી બેંકના ચીફ એક્ઝિક્યુટિવ મેનેજરને અજાણ્યા નંબર પરથી ધમકીના સંદેશા મળી રહ્યા હતા. આ અંગે તેણે સાયબર ક્રાઈમમાં ફરિયાદ નોંધાવતા પોલીસે ફરિયાદ નોંધી વધુ તપાસ હાથ ધરી છે. થરા પ્રગતિ સહકારી બેંક થરાના ચીફ એક્ઝિક્યુટિવ મેનેજર ગિરીશ કુમાર સોમાલાલ મેવાડાને 5 જૂને અજાણ્યા વોટ્સએપ નંબર પરથી ધમકીભર્યા સંદેશા મળ્યા હતા. જેમાં પરિવારને ગાયબ કરી દેવા, પુત્રને વેચી દેવા અને બેંકની નોકરી ખાલી કરી દેવાની ધમકીઓ આપવામાં આવી હતી. આ અંગે બેંક મેનેજરે સતત ધમકીભર્યા મેસેજ મોકલનાર વ્યક્તિ સામે પાલનપુર સાયબર ક્રાઈમમાં ફરિયાદ નોંધાવતા પોલીસે વધુ તપાસ શરૂ કરી છે.