બનાસકાંઠા જિલ્લામાં અકસ્માતના બનાવો બની રહ્યા છે. એક પછી એક લોકો અકસ્માતમાં જીવ ગુમાવી રહ્યા છે. ત્યારે ધાનેરાના જાડી સેરા ગામ વચ્ચે બાઇક અને કાર વચ્ચે અકસ્માત સર્જાયો હતો. યુવક પોતાની બાઇક પર જાડીથી સેરા ગામ તરફ જઇ રહ્યો હતો ત્યારે પૂરપાટ ઝડપે આવી રહેલા જીપના ચાલકે બાઇક સવારોને ટક્કર મારતાં બાઇક સવાર રોડ પર પટકાયા હતા. જેમાં અરવિંદ ઠાકોર અને મહેન્દ્ર ઠાકોરને ગંભીર ઇજાઓ થતાં ઘટના સ્થળે જ મોત નિપજ્યું હતું. જ્યારે અન્ય એક યુવક ગંભીર રીતે ઘાયલ થયો હતો જેને સારવાર માટે રીફર કરવામાં આવ્યો હતો. સ્થાનિક લોકોએ પોલીસને જાણ કરતાં પોલીસ તાત્કાલિક ઘટનાસ્થળે પહોંચી હતી. બંને મૃતકોના મૃતદેહને પીએમ અર્થે ધાનેરા રેફરલ હોસ્પિટલ ખાતે ખસેડવામાં આવ્યા છે.