પ્રવાસન વિભાગ, ગુજરાત સરકાર અને બનાસકાંઠા જિલ્લા વહીવટીતંત્ર દ્વારા 12 જાન્યુઆરી, 2024 ના રોજ બનાસકાંઠા જિલ્લાના સરહદી પ્રવાસન સ્થળ નડાબેટ ખાતે આંતરરાષ્ટ્રીય પતંગ મહોત્સવની ઉજવણીનું આયોજન કરવામાં આવશે. પાલનપુર કલેક્ટર કચેરી ખાતે જિલ્લા કલેક્ટર વરૂણકુમાર બરનવાલની અધ્યક્ષતામાં બેઠક યોજાઈ હતી. આ બેઠકમાં જિલ્લા કલેકટરે પતંગ મહોત્સવ અને તેના ભવ્ય આયોજન અંગે અધિકારીઓને સુચનો આપ્યા હતા. આ ઉપરાંત કલેકટરે જણાવ્યું હતું કે, પતંગબાજો અને દર્શકોને કોઈ મુશ્કેલી ન પડે અને તમામ સુવિધાઓ મળી રહે તે માટે સૂચનો કર્યા હતા.
આ આંતરરાષ્ટ્રીય પતંગ મહોત્સવ નિમિત્તે દેશ-વિદેશના પ્રખ્યાત પતંગબાજો નડાબેટ આવશે અને બનાસીઓ સાથે તેમનું કૌશલ્ય પ્રદર્શિત કરશે. નિવાસી અધિક કલેક્ટર સી.પી. પટેલ સર્વે અધિકારીઓ સાથે રૂબરૂમાં અને વીડિયો કોન્ફરન્સ દ્વારા જોડાયા હતા.