(GNS),તા.12
ગાંધીનગર,
ગાંધીનગર લોકસભા પ્રીમિયર લીગ નાઈટ ક્રિકેટ ટુર્નામેન્ટની ફાઈનલ મેચનું આયોજન મુખ્યમંત્રી ભૂપેન્દ્ર પટેલ, રાજ્ય સરકારના રમતગમત અને સાંસ્કૃતિક વિભાગના મંત્રી હર્ષ સંઘવી, બીસીસીઆઈના સચિવ જય શાહની ઉપસ્થિતિમાં કરવામાં આવ્યું છે. જેમાં ગાંધીનગર ઉત્તર વિધાનસભાની ટીમ દ્વારકેશ-11 અને ઘાટલોડિયા વિધાનસભાની ટીમ થલતેજ સીસી વચ્ચે 12 માર્ચ 2024ના રોજ રાત્રે 8 કલાકે ટક્કર થશે.
આ મેચનું આયોજન ઈન્કમટેક્સ ગ્રાઉન્ડ, બુટભવાની રેલ્વે ક્રોસિંગ પાસે, હરણ સર્કલ પાસે, પ્રહલાદનગર રોડ ખાતે કરવામાં આવ્યું છે. GLPL નાઇટ ક્રિકેટ ટુર્નામેન્ટમાં ગાંધીનગર લોકસભા મતવિસ્તારમાં સમાવિષ્ટ ગાંધીનગર ઉત્તર, નારણપુરા, ઘાટલોડિયા, વેજલપુર, સાબરમતી, કલોલ, સાણંદ અને સત્ય વિધાનસભા મતવિસ્તારની 1078 ટીમો અને 16,170 ખેલાડીઓએ ભાગ લીધો હતો.