15મી ગુજરાત વિધાનસભાનું ચોથું સત્ર 1લી ફેબ્રુઆરીથી 29મી ફેબ્રુઆરી 2024 દરમિયાન યોજાશેઃ પ્રચાર મંત્રી શ્રી હૃષીકેશ પટેલ.
પંદરમી ગુજરાત વિધાનસભાનું ચોથું સત્ર. 1લી ફેબ્રુઆરીથી શરૂ થશે.
આ બજેટ સત્રમાં 2જી ફેબ્રુઆરીના રોજ નાણામંત્રી શ્રી કનુભાઈ દેસાઈ વિધાનસભામાં બજેટ રજૂ કરશે.
(GNS),તા.28
ગાંધીનગર,
પ્રચાર મંત્રીએ ઉમેર્યું હતું કે, આ સત્રમાં વિધાનસભામાં સંપૂર્ણ બજેટ રજૂ કરવામાં આવશે.સરકારી બિલો અને બજેટ અંગેની સામાન્ય ચર્ચા અને માંગણીઓ અંગે પણ વિધાનસભામાં ચર્ચા કરવામાં આવશે. બંધારણની કલમ મુજબ મહામહિમ રાજ્યપાલ શ્રી આચાર્ય દેવવ્રત 1લી ફેબ્રુઆરીએ વિધાનસભાની બેઠકને સંબોધિત કરશે. જે બાદ રાજ્યપાલના અભિભાષણ અંગે વિધાનસભા ગૃહમાં આભાર પ્રસ્તાવ રજૂ કરવામાં આવશે.
તેમણે કહ્યું કે વર્ષ 2024-25નું બજેટ 2જી ફેબ્રુઆરીએ વિધાનસભામાં રજૂ કરવામાં આવશે. આ સત્ર બજેટ સત્ર હોવાથી બજેટ પર સામાન્ય ચર્ચા અને માંગણીઓ પર ચર્ચા અને મતદાન માટે બેઠકો યોજાશે. વિધાનસભા ગૃહમાં રજૂ કરાયેલા બજેટ પર સત્રમાં 26 બેઠકો પર ચર્ચા થશે. સત્ર દરમિયાન સરકારી બિલો અને સરકારી કામકાજ અંગે ચર્ચા કરવા માટે બેઠકો પણ યોજવામાં આવે છે. જે અંતર્ગત સરકારી બિલો અને સરકારી કામકાજના પ્રશ્નોની ચર્ચા કરવામાં આવશે. વિધાનસભા સત્ર દરમિયાન દરરોજનો પ્રથમ એક કલાક પ્રશ્નોત્તરી માટે રહેશે. જ્યારે વિધાનસભા સત્ર દરમિયાન 24 કામકાજના દિવસો રહેશે.