ન્યુઝીલેન્ડમાં ભૂકંપઃ ન્યુઝીલેન્ડમાં ફરી એકવાર ભૂકંપના આંચકા અનુભવાયા હતા. ઉત્તર-પૂર્વમાં સ્થિત કર્માડેક ટાપુઓના વિસ્તારમાં 7.2ની તીવ્રતાના ભૂકંપના આંચકા અનુભવાયા હતા. નેશનલ સેન્ટર ફોર સિસ્મોલોજી અનુસાર, ન્યુઝીલેન્ડના કર્માડેક ટાપુઓમાં 7.2ની તીવ્રતાનો ભૂકંપ આવ્યો હતો. ભૂકંપનું કેન્દ્ર જમીનની નીચે 10 કિલોમીટરની ઊંડાઈએ હતું. સાથે જ ભૂકંપ બાદ સુનામીની ચેતવણી પણ જારી કરવામાં આવી છે. ભારતીય સમય અનુસાર આજે એટલે કે સોમવારે સવારે 6.11 કલાકે ભૂકંપ આવ્યો હતો.