જોહાનિસબર્ગ.
પાકિસ્તાને એક રોમાંચક મુકાબલામાં બાંગ્લાદેશને પાંચ રનથી હરાવી ICC અંડર-19 મેન્સ ક્રિકેટ વર્લ્ડ કપ 2024માં ચોથી સેમિફાઇનલમાં સ્થાન મેળવ્યું છે. સુપર સિક્સની છેલ્લી મેચમાં પાકિસ્તાને શનિવારે બાંગ્લાદેશને 5 રનથી હરાવીને અંડર-19 વર્લ્ડ કપની સેમિફાઇનલમાં પ્રવેશ કર્યો હતો જ્યાં તેનો સામનો ઓસ્ટ્રેલિયા સામે થશે.
પાકિસ્તાનને 40.4 ઓવરમાં 155 રનમાં આઉટ કર્યા બાદ બાંગ્લાદેશની બેટિંગ ખૂબ જ નબળી રહી હતી. ટીમ પાકિસ્તાન સામે 35.5 ઓવરમાં 150 રનમાં ઓલઆઉટ થઈ ગઈ હતી અને મેચ અને સેમીફાઈનલની ટિકિટ પાંચ રનથી હારી ગઈ હતી. આ કરો યા મરો મેચમાં પાકિસ્તાને અંતિમ ક્ષણોમાં મેચનો પલટો ફેરવી દીધો હતો. જો કે તેના માટે પાકિસ્તાને તમામ પ્રયાસો કરવા પડ્યા હતા. બાંગ્લાદેશે ચોક્કસપણે પાકિસ્તાનને 155 રનમાં આઉટ કરીને ચોંકાવી દીધું હતું પરંતુ બાદમાં પાકિસ્તાને શાનદાર બોલિંગ કરીને મેચ જીતી લીધી હતી. પાકિસ્તાનના ઉબેદ શાહને 44 રનમાં 5 વિકેટ લેવા બદલ પ્લેયર ઓફ ધ મેચ જાહેર કરવામાં આવ્યો હતો. જ્યારે અલી રઝાએ 3 વિકેટ લઈને પાકિસ્તાનને નોકઆઉટ સુધી પહોંચાડ્યું હતું.