ગુજરાત સરકાર દ્વારા વિધાનસભાની ચૂંટણી પહેલા આપેલા વાયદાઓ પૂરા ન કરતા જિલ્લા શિક્ષણ સંઘ સંકલન સમિતિએ પોતાની માંગણીઓ પુરી કરવા માટે મેદાનમાં ઉતરી સરકાર સામે વિરોધ પ્રદર્શન કર્યું હતું. પાટણ જીલ્લા શિક્ષણ સંઘ સંકલન સમિતિ વતી હારીજ,સમી,શંખેશ્વર તાલુકાના શિક્ષકોએ પોતાની માંગણીઓ માટે હારીજ બહુચર માતાજી મંદિર ચોક ખાતે બેનરો સાથે મૌન વિરોધ કાર્યક્રમ યોજ્યો હતો.તેમની પડતર માંગણીઓ સ્વીકારવાની ખાતરી આપી હતી.વિરોધ શિક્ષકોની કાયમી ભરતી, અન્ય કામોમાંથી મુક્તિ, જુની પેન્શન યોજના, કલાર્ક, પટાવાળા, શિક્ષકોની નવી ભરતી વગેરે માંગણીઓ માટે આજે હારીજમાં ધરણાનો કાર્યક્રમ યોજવામાં આવ્યો હતો. જો નજીકના ભવિષ્યમાં માંગણીઓ સંતોષવામાં નહીં આવે તો ગાંધીજીએ વિરોધમાં કાળા કપડા પહેરવાની ધમકી આપી હતી. પાટણ જિલ્લા માધ્યમિક શિક્ષક સંઘના પ્રમુખ અમરતભાઈ દેસાઈ, આચાર્ય એસો.ના દિનેશભાઈ દેસાઈ એકલવા, એ.એસ.ભગોરા, પી.આર.ઠક્કર, વહીવટી સંઘના દિનેશભાઈ પ્રજાપતિ. હિરેનભાઇ પ્રજાપતિ, સરદારસિંહ વાઘેલા, રાજુભાઇ, મનુભાઇ સહિત મોટી સંખ્યામાં શિક્ષકો ઉપસ્થિત રહ્યા હતા.