વર્લ્ડ હેપેટાઈટીસ અંગે જનજાગૃતિ ફેલાવવા માટે પાટણ શહેરની સિવિલ હોસ્પિટલ ખાતે “વન લાઈફ વન લીવર” થીમ હેઠળ રેલીનું આયોજન કરવામાં આવ્યું હતું, જેને જિલ્લા આરોગ્ય અધિકારીએ લીલી ઝંડી આપી પ્રસ્થાન કરાવ્યું હતું. દર વર્ષે આ દિવસે વિશ્વ હિપેટાઈટીસ દિવસની ઉજવણી કરવામાં આવે છે. હેપેટાઇટિસ વિશે જાગૃતિ ફેલાવવા અને લોકોને હેપેટાઇટિસના વહેલા નિદાન, નિવારણ અને સારવાર માટે પ્રોત્સાહિત કરવા માટે વિશ્વ હિપેટાઇટિસ દિવસની ઉજવણી કરવામાં આવે છે. હેપેટાઈટીસ એક ચેપી રોગ છે, જેને હેપેટાઈટીસ A, B, C, D અને E તરીકે ઓળખવામાં આવે છે. હેપેટાઇટિસ એક ચેપી રોગ છે, પરંતુ તેનો અર્થ એ નથી કે તે માત્ર સ્પર્શથી ફેલાય છે. તેથી જ જ્યારે પરિવારના કોઈ સભ્યને આ રોગ થાય છે, ત્યારે તેને સંપૂર્ણપણે અલગ રાખવા તેમજ પરિવારના અન્ય સભ્યોને ચેપથી મુક્ત રાખવા માટે કેટલીક સાવચેતી રાખવી જરૂરી છે. પાટણ સિટી સિવિલ હોસ્પિટલ ખાતે “વન લાઈફ વન લીવર” થીમ હેઠળ હેપેટાઈટીસ અંગે જાગૃતિ ફેલાવવા અને લોકોને હેપેટાઈટીસના વહેલા નિદાન, નિવારણ અને સારવાર માટે પ્રોત્સાહિત કરવા જનજાગૃતિ રેલીનું આયોજન કરવામાં આવ્યું હતું.
જિલ્લા આરોગ્ય અધિકારી વિષ્ણુભાઈ પટેલે હેપેટાઈટીસની જનજાગૃતિ રેલીને લીલી ઝંડી આપી પ્રસ્થાન કરાવ્યું હતું. રેલી શહેરની સિવિલ હોસ્પિટલથી શરૂ થઈ બગવાડા રેલવે સ્ટેશન રોડ થઈને પરત સિવિલ હોસ્પિટલ પહોંચી હતી. જેમાં મહિલા આરોગ્ય, આશા બહેનો સહિત સિવિલ સ્ટાફે ભાગ લીધો હતો. જેમાં જિલ્લા આરોગ્ય અધિકારી, તાલુકા આરોગ્ય અધિકારી સહિત સનદી અધિકારીઓ ઉપસ્થિત રહ્યા હતા.