ડીસામાં હજુ પણ રખડતા ઢોર પર અત્યાચાર ચાલુ છે. જેમાં પાલનપુરથી સાંચોર જતી કાર અચાનક રોડની વચ્ચે આવી ગયેલા બળદ સાથે અથડાતા અકસ્માત સર્જાયો હતો. અકસ્માતમાં કારનો આગળનો ભાગ ઉડી ગયો હતો.
ડીસા પાલનપુર નેશનલ હાઈવે પર રખડતા ઢોરના કારણે વધુ એક અકસ્માત સર્જાયો છે. જેમાં એક પરિવાર કારમાં પાલનપુરથી સાંચોર જઈ રહ્યો હતો અને ડીસા પાસેથી પસાર થઈ રહ્યો હતો. ત્યારે ભોયણ પાસે અચાનક એક આખલો રોડની વચ્ચે આવી ગયો હતો અને આખલા સાથે કાર અથડાઈ હતી. અકસ્માતમાં કારમાં બેઠેલા પાંચ લોકોનો આબાદ બચાવ થયો હતો. જ્યારે પાંચ વર્ષના બાળકને સામાન્ય ઈજા થઈ હતી. ઘટના બાદ આસપાસના લોકો દોડી આવ્યા હતા અને રાહત કાર્ય શરૂ કર્યું હતું.