બનાસકાંઠાના પાલનપુર પાસપોર્ટ ઓફિસમાં અરજદારોએ હોબાળો મચાવ્યો હતો. ડોક્યુમેન્ટ વેરિફિકેશન ઓફિસર ન મળવાને કારણે 100થી વધુ અરજદારો અટવાઈ પડ્યા હતા. પાસપોર્ટ વેરિફિકેશન માટે આપેલી તારીખે અરજદારો હાજર હતા. દૂર-દૂરથી આવેલા અરજદારોએ તંત્ર સામે આક્રોશ વ્યક્ત કર્યો હતો.પાલનપુર પહેલા વડોદરાની પાસપોર્ટ ઓફિસમાં પણ હોબાળો થયો હતો. પાસપોર્ટ વિભાગના કર્મચારીઓની હડતાળ બાદ હંગામો મચી ગયો હતો. મોટી સંખ્યામાં લોકો ફસાયા હતા. એકાએક કામ અટકી જવાથી અરજદારોમાં રોષ જોવા મળ્યો હતો.હાલ દેશમાં ડિજિટલ ઈન્ડિયા સ્કીમને જોતા સરકારે દરેક વસ્તુને ડિજિટલ બનાવી દીધી છે. હવે ઘરે બેસીને આરામથી કામ કરી શકાય છે. આજકાલ કોઈ પણ કામ માટે 10 વાર ઓફિસ જવું પડતું નથી. હવે પાસપોર્ટ મેળવવો પણ સરળ બની ગયો છે. સરકારે આ માટે ઓનલાઈન સુવિધા શરૂ કરી છે. હવે પાસપોર્ટ બનાવવા માટે તમારે પાસપોર્ટ ઓફિસના ધક્કા ખાવાની પણ જરૂર નહીં પડે. તમે ઘરે બેઠા સરળતાથી ઓનલાઈન અરજી કરી શકો છો. જો તમે પણ પાસપોર્ટ મેળવવા માંગો છો, તો તમે આ સ્ટેપ્સ ફોલો કરી શકો છો.