પાલનપુરના નવા એસ.ટી.બસ સ્ટેન્ડ સામે સર્વિસ રોડ પર પાર્ક કરેલી કારના કાચ તોડી રૂ.4 લાખની મત્તાની ચોરી થઇ હતી. પોલીસે ઘટનાના સીસીટીવી ફૂટેજના આધારે આરોપીનો સ્કેચ જાહેર કર્યો છે અને આરોપી વિશે માહિતી આપનારને ઈનામની જાહેરાત કરી છે.
8 જૂનના રોજ બપોરે પાલનપુર તાલુકાના રૂપપુરા ગામના મેઘરાજભાઇ ચૌધરીએ તેમની i20 કાર ન્યૂ બસપોર્ટ સામે પાર્ક કરી હતી. કારની ખાલી સાઈડના પાછળના દરવાજાનો બંધ કાચ તોડી અજાણ્યા ઈસમો ચાર લાખ રૂપિયાની ચોરી કરી ફરાર થઈ ગયા હતા. પોલીસે સીસીટીવી ફૂટેજના આધારે આરોપીઓને પકડવા માટે દરોડા શરૂ કર્યા છે. જોકે, ચાર દિવસ પછી પણ આરોપીઓને શોધી શકી ન હોય પોલીસે હવે બાઇક સવાર આરોપીઓના સ્કેચ બહાર પાડ્યા છે અને તેમના વિશે માહિતી આપનાર વ્યક્તિને યોગ્ય રકમ આપવાની જાહેરાત કરી છે. પોલીસનો આ કિમિયો કેટલો અસરકારક નીવડે છે તે જોવું રહ્યું..!