પાલનપુર તાલુકાના ફતેહપુરનો એક રિક્ષાચાલક લાલવડ બસ સ્ટેન્ડ પર હતો ત્યારે ભૂતકાળની અદાવતમાં બે શખ્સોએ તેના પર હુમલો કર્યો હતો. કપાળના ભાગે ગંભીર ઈજા થતાં તેને પાલનપુર સિવિલ હોસ્પિટલમાં સારવાર અર્થે દાખલ કરાયો હતો. ફરિયાદ નોંધાતા પોલીસે ગુનો નોંધી આગળની કાર્યવાહી હાથ ધરી છે. પાલનપુર તાલુકાના ફતેપુરના જયંતિભાઇ રમેશભાઇ દેવીપૂજક તેમની રિક્ષા લઇને લાલવાડા બસ સ્ટેન્ડ પર ઉભા હતા. ત્યારબાદ વડગામના ભોડાભાઈ સોમાભાઈ દેવીપૂજક અને પાલનપુર તાલુકાના પીંપળીના રાજુભાઈ દેવીપૂજકે હુમલો કર્યો હતો. કપાળના ભાગે ગંભીર ઈજા થતાં જયંતિભાઈને પાલનપુર સિવિલ હોસ્પિટલમાં સારવાર અર્થે ખસેડાયા હતા.
આ અંગે રમેશભાઈ અમથાભાઈ દેવીપૂજકે પાલનપુર તાલુકા પોલીસ મથકે બંને સામે ફરિયાદ નોંધાવી હતી. આથી પોલીસે ગુનો નોંધી વધુ તપાસ હાથ ધરી છે.