બનાસકાંઠાના પાલનપુરના એરોમા સર્કલ પાસેથી ઘેટાં-બકરાં ભરેલી ટ્રક ઝડપાઈ છે. મળતી વિગત મુજબ ડીસાના જીવદયા પ્રેમીઓને રસાણા પાસેથી બાતમી મળી હતી કે ઘેટાં-બકરાં ભરેલી ટ્રક પસાર થઈ રહી છે. આ અંગેની માહિતી મળતા જીવદયા પ્રેમીઓએ ટ્રકનો પીછો કર્યો હતો. પાલનપુરના એરોમા સર્કલ પાસે ટ્રક પુરપાટ ઝડપે આવી હતી.
પાલનપુરના એરોમા સર્કલ પાસે પકડાયેલી ટ્રકમાં 147 ઘેટા-બકરા ભરેલા હતા. જીવદયા પ્રેમીઓ દ્વારા ટ્રકને પાલનપુર શહેરની પશ્ચિમે પોલીસ મથકે લઇ જવાયો હતો. જ્યાં ફરિયાદ બાદ બચાવી લેવાયેલા ઘેટા-બકરાને ડીસાણી કેજને સોંપવામાં આવ્યા હતા.