(GNS) તા. 22
અમદાવાદ,
વડાપ્રધાન શ્રી નરેન્દ્રભાઈ મોદી આજે ગુજરાતની એક દિવસની મુલાકાતે આવી પહોંચ્યા ત્યારે અમદાવાદ એરપોર્ટ પર રાજ્યપાલ શ્રી આચાર્ય દેવવ્રત અને મુખ્યમંત્રી શ્રી ભૂપેન્દ્ર પટેલ દ્વારા તેમનું ઉષ્માભર્યું સ્વાગત કરવામાં આવ્યું હતું.
આ પ્રસંગે નવસારીના સાંસદ અને પ્રદેશ ભાજપ પ્રમુખ શ્રી સી.આર. પાટીલ, સહકાર અને પ્રોટોકોલ મંત્રી શ્રી જગદીશ વિશ્વકર્મા, અમદાવાદ શહેરના મેયર શ્રી પ્રતિભાબહેન જૈન, રાજ્યના મુખ્ય સચિવ શ્રી રાજ કુમાર, મુખ્યમંત્રીના મુખ્ય પ્રથમ સચિવ શ્રી કે. કૈલાશનાથન, જીએડીના અધિક મુખ્ય સચિવ શ્રી કમલ દયાની, એર માર્શલ નર્મદેશ્વર તિવારી, રાજ્ય પોલીસ વડા શ્રી વિકાસ સહાય, અમદાવાદ શહેર પોલીસ કમિશનર શ્રી જી.એસ. મલિક, મેજર જનરલ શ્રી એસ. એસ. વિર્ક કલેક્ટર સુશ્રી પ્રવીણા ડી.કે. વરિષ્ઠ અધિકારીઓ અને અધિકારીઓએ પણ વડાપ્રધાનને શુભેચ્છા પાઠવી હતી.