પાલનપુર માલણ દરવાજા તીન માર્ગ મીરા દરવાજા પાસેના સ્મશાન ભૂમિ સામે આવેલ પોલીટેકનીક સ્ટાફ કવાર્ટરની દિવાલ સવારે આઠ વાગ્યાના સુમારે અચાનક ધરાશાયી થઇ હતી. પ્રત્યક્ષદર્શીઓએ જણાવ્યું કે સવારે એક વ્યક્તિ દિવાલ પાસે સફાઈ કરી રહ્યો હતો. ત્યારે અચાનક દોઢસો ફૂટ જેટલી દિવાલ જમીન દોસ્ત બની ગઈ હતી. આ બનાવમાં ચાંદ બીબી નૂરમહંમદ મલેકની ચાની કેબીન, હુસેન મહમદ નૂરમહંમદ મલેકની રીક્ષા ગેરેજ અને અબ્દુલભાઈ લાલાભાઈ પઠાણની સાયકલ રીપેરીંગની દુકાન દિવાલ પાસે ધરાશાયી થઈ ગઈ હતી. દિવાલ પાસે પાર્ક કરેલી એક રીક્ષા અને એકટીવાને પણ નુકસાન થયું હતું. આ રીતે લોકોની અવરજવરને કારણે મોટી જાનહાનિ ટળી હતી.