હવામાન વિભાગની આગાહી મુજબ બનાસકાંઠા જિલ્લામાં છેલ્લા ચાર-પાંચ દિવસથી વાદળછાયું વાતાવરણ રહ્યા બાદ જિલ્લાના કેટલાક વિસ્તારોમાં ઝરમર વરસાદ વરસી રહ્યો છે. પાલનપુરમાં મોડી રાત્રે પડેલા વરસાદને કારણે અમદાવાદ-આબુ હાઇવે પર ફરી એકવાર પાણી ભરાયા હતા. જેમાં એક ટ્રક પલટી જતાં અમદાવાદ-આબુ હાઇવે પર પાણી ભરાવાના કારણે વાહન ચાલકો અને સ્થાનિક લોકોને અવરજવરમાં ભારે મુશ્કેલીનો સામનો કરવો પડી રહ્યો છે. રાતભરના વરસાદને કારણે એક ટ્રકનું ટાયર હાઈવે પર ખાડામાં પડી જતાં પલટી ગઈ હતી. સદનસીબે ટ્રક ચાલક સુરક્ષિત હતો. ટ્રક પલટી જતાં ટ્રકમાં રાખેલો સામાન પાણીમાં ગરકાવ થઈ ગયો હતો.