પાટણ જિલ્લાના નાગરિકોને ટ્રાફિક સમસ્યામાંથી મુક્તિ અપાવવા જિલ્લા વહીવટી તંત્ર સતત કાર્યરત છે. પાટણ શહેરમાં પાટણ નગરપાલિકા દ્વારા કરાયેલા રોડ ડાયવર્ઝન અને રોડ ડાયવર્ઝનને કારણે સર્જાતી ટ્રાફિક સમસ્યાના નિરાકરણ માટે આજે જિલ્લા કલેક્ટર અરવિંદ વિજયનની અધ્યક્ષતામાં બેઠક યોજાઈ હતી. શ્રી પી.કે.કોટવાલા કોલેજ રોડથી રેલ્વે ગરનાળા તરફના ટ્રાફિકને લઈને સ્થળ પર બેઠકનું આયોજન કરવામાં આવ્યું હતું.
આજે પી.કે.કોટવાલા કોલેજથી રેલ્વે ગરનાળા તરફ જતા રોડ પર પ્રાંત કચેરીની બાજુમાં સભાનું આયોજન કરવામાં આવ્યું હતું. જેમાં કલેકટર અરવિંદ વિજયનની અધ્યક્ષતામાં આ રોડ પર સર્જાતી ટ્રાફિક સમસ્યા અંગે વિવિધ અધિકારીઓ સાથે ચર્ચા કરવામાં આવી હતી. જિલ્લા કલેકટરે આ રોડ પરની ટ્રાફિક સમસ્યાને સંબંધિત અધિકારીઓ પાસેથી સમજવાનો પ્રયાસ કર્યો હતો અને સમસ્યાના નિરાકરણ માટે સૂચનો આપ્યા હતા. સાથે જિલ્લા કલેક્ટર અરવિંદ વિજયન, જિલ્લા નિવાસી અધિક કલેક્ટર પ્રદીપસિંહ રાઠોડ, જિલ્લા પોલીસ વડા રવિન્દ્ર પટેલ, પાટણ પ્રાંત અધિકારી મિતુલ પટેલ પણ ઉપસ્થિત રહ્યા હતા. અને વિવિધ અધિકારીઓ અને પોલીસ કર્મચારીઓ ઉપસ્થિત રહ્યા હતા.