અભિનેત્રી-મૉડલ પૂનમ પાંડેનું નિધન. પૂનમના મેનેજરે ઈન્સ્ટાગ્રામ પર માહિતી આપી હતી. જે પછી પોસ્ટ પર યુઝર્સની ઘણી કોમેન્ટ્સ આવવા લાગી. ઘણા યુઝર્સ તેમના નિધન પર શોક વ્યક્ત કરી રહ્યા છે.
પૂનમ પાંડેએ વર્ષ 2011માં BCCIને પત્ર લખ્યો હતો. આ પત્રમાં પૂનમે લખ્યું હતું કે જો ભારત 2011 ક્રિકેટ વર્લ્ડ કપ જીતશે તો તે તેના કપડાં ઉતારી દેશે. પરંતુ બીસીસીઆઈએ તેને આ માટે પરવાનગી આપી ન હતી.
લોકડાઉન દરમિયાન પૂનમ તેના પતિ સેમ સાથે ફરવા નીકળી હતી. જે બાદ મુંબઈ પોલીસે નિયમોનું ઉલ્લંઘન કરવા બદલ તેની ધરપકડ કરી હતી.
પૂનમ પાંડે પોતાની બોલ્ડ અને હોટ તસવીરોને લઈને ચર્ચામાં રહેતી હતી. અભિનેત્રીએ પોતાનો એક વીડિયો લીક કર્યો હતો, જેમાં તે બાથરૂમમાં ડાન્સ કરતી જોવા મળી હતી. જોકે, બાદમાં યુટ્યુબે તેનો બોલ્ડ વીડિયો બ્લોક કરી દીધો હતો.
વર્ષ 2020 માં, પૂનમ પાંડેએ એક ખાનગી સમારંભમાં બોયફ્રેન્ડ સેમ બોમ્બે સાથે લગ્ન કર્યા. જોકે, લગ્નના 13 દિવસ બાદ જ અભિનેત્રીએ તેના પતિ સેમ પર મારપીટનો આરોપ લગાવ્યો હતો. બાદમાં બંનેએ છૂટાછેડા લીધા હતા.
વર્ષ 2017માં પૂનમે પાંડે એપ નામની એપ લોન્ચ કરી હતી. આમાં પૂનમ ખૂબ જ બોલ્ડ કન્ટેન્ટ પોસ્ટ કરતી હતી. જેના કારણે ગૂગલે તેને પ્લે સ્ટોર પરથી પ્રતિબંધિત કરી દીધું હતું.
પૂનમ પાંડેના નિધનથી ચાહકો આઘાતમાં છે. તેમના મેનેજરે તેમના નિધનના સમાચાર જાહેર કરતાની સાથે જ સોશિયલ મીડિયા પર આ સમાચાર જંગલની આગની જેમ ફેલાઈ ગયા. તેના ફેન્સ સતત પોસ્ટ પર કોમેન્ટ કરીને પોતાનું દુઃખ વ્યક્ત કરી રહ્યા છે.